US President Biden nih US rammi sin bia a chimnak ah Ukraine mipi an lungrualnak le an ralthatnak konghe pehtlai in biatak tein a thangthat hna. Ukraine President Zelenskyy nih a biachim mi bia” Light will win over Darkness ” Ceunak nih muinak a tei lai” timi biafang cu President Biden nih a hman piak than.
President Biden bia a chim lio ah US ram um Ukrian Ambassador nu zawng President Biden a nupi (The first lady) a pawng teah an thutter ve hlei ah US nih Ukarine kan in dirpi hna timi langhter nak ah, President Speech ah aa rak itel mi Mizapi vialte nih, Ukraine Ambassador nu cu kut benghpiak nakin thazang an pek.
President Joe Biden nih Rusia President Vladimir Putin cu fak ngai in a thangchiat. A ti mi cu, a luancia ni(6) ah khan Rusia President Putin nih vawlei pumpi ka hnih dih khawh lai tiah a rak ruah chung nain, aa ruahchan ning bantuk in si lo in, Ukrain rammi aa tawng sual ai, Ukraine mipi cu vawlei pumpi nih an upat hna, hriam ngeihlo bak in an pumpak in raltuknak Tank an kham hna. Pesen a lak cang mi, Siang cachim saya hna le Sianghngkchia hna cu ram runven tu ralkap ah an i cang dih hna.
