Rev. Za Mang nih A Kan Liamtak
CACC Mitthli A Luangṭhan. Kum 2021-2023 ca ah CACC Chairman ah Triennial Delegate nih an thim mi Rev. Za Mang nih a kan liam taak. CACC ca ah chunmang tampi a manh. Baibal lehnak le remhnak kong ah thinlung dihlak pek in a rian a ṭuan.
Caan sau hmanh CACC Chairman dirhmun in rian a ṭuan hlan ah a kan liam taak ko cu kan i lungsak kho hrimhrim lo.Rev. Za Mang Tuanbia TawiRev. Za Mang cu Thantlang peng, Aibur khua mi Pu Rung Mang le Pi Ngun Kai nih an ngeihchun fapa a si.
1965 November 2 ah Aibur khua ah a chuak.Chungkhar sernak:Aibur khua mi Rev. Thang Cung le Pi Pen Zing hna i an fanu Biak Men he 1990 January 6 ah ṭhitumnak an tuah. Pathian nih fapa 3 le fanu 1 thluachuah a pek hna.Sianginn kainak. Kum 1984 ah State High School No. 1, Hakha in tang 10 a awng.Kum 1985 in 1992 tiang Mandalay University ah sianginn a kai i B. Sc a dih.
Kum 1994 in1997 tiang Myanmar Institute of Theology (MIT), Yangon ah Bible a cawng i Bachelor of Divinity (BD) a dih.Kum 2005 in 2006 tiang Hongkong Baptist Theological Seminary, Hongkong ah Bible a cawng ṭhan i Master of Theology (M.Th) a dih.Rianṭuannak . Kum 1997 in 2010 tiang Chin Christian University (Cu lio ah Chin Christian College), Hakha ah caantling in Bible cachimh rian (Lecturer) a ṭuan.
Kum 2010 in 2012 tiang Zophei Christian Fellowship, Malaysia ah Lutlai Pastor rian a ṭuan. Kum 2013 in 2019 tiang Bethel Baptist Church, Hakha ah Pastor rian a ṭuan. Kum 2020 in nihin a thih tiang Bethel Baptist Church, Hakha ah Senior Pastor a ṭuan lio mi a si.
Rev. Za Mang cu mifim cathiam a si bantuk in kan ram le miphun ca ah a si khawh chung in rianṭuan, cawlcangh a duh mi a si. Caantling in rian a ṭuannak kan langhter mi pin ah a lang in rian a ṭuannak tampi a um. A lang in rian a ṭuannak CACC Officer (2021 – 2023) – Chairman . HBA ah Ordination Board (2021 – 2023) – Member. Chin Christian University Board of Trustee – Member Rev. Za Mang cu COVID-19 in a zaw i caan sau nawn aa thlop hnu ah dam hlei lo in a um i 2021 August 26 zinglei suimilam 4:00 ah a nunnak a liam.
Ref: CACC page
