Sunghnak kan ton mi hi kan Donghnak a si lo, Teinak lam an kan sialpiaktu a si awk a si!

Kan sunghnak in kan thawh than a si ahcun a sung mi kan si hrmhrim lo tihi ka theih I cucu thazaang ah kan I ser khawh a biapi tuk hrinhran. Cu thazaang laknak le a latu ding ah kan mah kha a biapi bik kan sinak zong kan phlih lo a hau.

Sunghnak hi teinak hmuhnak a hram a si.

 Teinak a hmu khotu hna dirhmun ah hram an I thlaknak cu sunghnak hi a si. Sunghnak ton hmasa loin teinak a hmuttu hna nunnak ah tlum-alnak le caan saupi a daih mi teinak a rak si. Teinak a tlum-al mi le caan saupi a nguh mi hna cu sungzatlaknak an rak tong hmasa. Cucu teinak an hmuhnak a hram a rak si. Pumpak nih kan ton lo na loin kan ton mi sunghnak hi teinak lam le teinak kan hmuhnak a hram ah kan ruah I kan thazaang ah kan hman khawh ahcun cucu sunghnak a rak si loh! teinmah hrma a rak si.

Kanmah pumpak nih kan ton mi sunghnak nih kan nunnak a tei kho hrimhrim loh tihi kan theih I kan sunghnak in kan thawh zawkzawk kha a biapi. Cun sunghnak hmun in kan caan kan sining dither mi siloin hramthawk ah a hmangtu hna nih teinak an hmuhnak hram a rak si. Cucaah teinak hmuh kan duh ahcun kan sungh hmasanak kha kan thazaang ah kan hman I teinak hram a si tiah kan cohlan khawh a biapi tuk. Teitu dirhmun na dir khawhnak ding lam a hmasa ah na lamh ding cu sunghnak kha  a si. Cucu hrial loin pah chih mei. Teinak na hmuhnak hram a si.

Biadonghnak

Teinak a hmu ding mi hna cu sunghnak nih lam a hruai hmaisa peng. Cucu kan teinak lam le hlawhtling kan sinak a langhter tu thil le lamhmuhsaktu a rak si. Sunghnak in a khat mi vawlei ah sunghnak he na then kho lo. Asinain na sunghnak khan a teinak lam ah na ser khawhnak ding ahcun pah chihi mei. Na ton mi sunghnak in na thawh I karkhat na hneknak zaanghlei na cawinak nih teinak lam an hruai lai. Cucu teitu hna nih an rak ton mi le teitu a si ding mi hna nih an ton cuamhmah mi an ton lai mi thil a rak si.

Thomas Edison nih, voikhat teinak a hmuhnak ding ah voi 50000 a sung hmasa. Asinain a sunghnak hmual le a voi a tamnak nih teinak a hmuhnak hmual a nganter I tlatlinnak lam a rak hruainak a si. Cucu a sunghnak hmun in a caan dither loin a sunghnak cu I zuamnak le thazaang laknak ah an hman caah a si. Cucaah kan sunghnak hna hi kan donghnak an si lo. Teinak kan hmuhnak lam sialtu le bawmtu na rak si. Teitu si a duh mi nih kan sunghnak hi dither  loin pahchih kan hau. Sunghnak hi a donghnak a si lo pah chih mei.