March 23 zaanlei, Mandalay khua Aungpinlay Sang ah kum 7 lawng a si mi Khin Myo Chit cu Ralkap nih Meithal in an kahnak ah a nunnak a liam mi a si. 
Hi kong ah Khin Myo Chit a unu Aye Nyein Sann nih, “March 23, zaanlei suimilaam 3:00 tluk ah motorcycle in ralkap an rak ra. Motorcycle pakhat ah minung pathum an i phirh. Innka hong dih u, an ti i an vun chuihpah. Nan dihlak in chuak u, midang an taang maw, tiin an kawl len. Kum 7 a si mi ka naunu cu ralkap a tih tuk hna ca ah ka pa tang ah aa beek. Cu ahcun, ka pa kha kan kah an ti i ka naunu tu an khen. A kaptu hi a mit sen taktak, khuachia bantuk a si. Ka pa nih cun ka naunu cu a tlikpi i sii-inn a phanhpi hlan, lampi ah a thi,” tiah a chim.
Hi lio ah hin kum 19 a si mi ka tapa zong an meithal taw in alu ah an cumh i a thi tam tuk a chuak, ti zong Aye Nyein San nih a chim fawn. A ruak cu Ayeyeiknyein thlaan ah an vui.March 23 ni khatte Aungpinlay Sang ah minung 5 an thi i minung 59 an tlaih hna. (Ref: Khit Thit Media, RFA)
