- September (7) thawk in mipi ralhrang dohnak cu thawk a si cang. Mipi le ralhrang idohnak a si bantuk in rampumpi ah a um mi ralhrang hna cu nanmah le nan umnak hmun cio in tlu le thal lakin rak doh cio uh.
- PDF ralkap vialte hna nanmah le nan umnak hmun cio in ralhrang dirkamtu le hunhaktu vialte hna cu rak tlaih dih cang uh.
- Ralhrang nih rian khanhmi Khuabawi le uknak dang dang ah rian khanhmi vialte nan rian chuahtak dih cang uh.
- PDF ralkap hna mipi nunnak le thilri hna hunhak kilveng piak hna uh law a cunglei in order pekmi hna kha ttha tein zulhkhawh izuam cio uh. PDF nih zulhding in a chuahmi zulhphung hna cu dik le fel tein zulhkhawh izuam cio uh.
- Mipi hunhimnak lei in ttuanvo ngeihtu hna zawngnih nan mah umnak khua le ram hmun le hma cio in timlamnak runvennak tuanvo rak lak cio hram uh.
- Mipi zawng nih nihin thawk in a herhlo in khualtlawn siseh, mah le pumpak hunhimnak caah ralring tein um cio uhlaw nan caah a herhmi ti le rawl, si le ai ichaih cia uh law, PDF ralkap hna le PDF he aa kawmh in ral a doh tti mi ralkap hna kha nanmah le ti khawh tawk in rak bawm cio hram uh. Ralhrang ralkap an cawlcang nak kong thawnpang kha PDF sin ah rak pek cio hram uh.
- Tlangcung hriamtlaih dang vialte hna zawng nih a lamkip ralhrang cu rak doh cio hram uh law nanmah le nan pentlang cio kha lakdih khawh le uk khawh rak izuam cio uh.
- Ralhrang uknak ai ah, mipi uknak canter izuam cio uh law mipi duhnak in sermi uknak ah serkhawh izuam cio uh.
- Ralhrang he aa kawm mi( BGF- ramri hngak ralkap)hna mipi he ikawmh in ralhrang tu kha rak doh cio cang uh.
- Nihin kan raldohnak hi a dikmi le phung ningin raldohmi a si i, chansau a ngumi ramsersiamnak le Federal uknak sernak caah dohlo awk a thalomi raldohnak a si.
- Kan ram dohtlennak nih a herhningin rian kan ttuanmi a si caah kan pawngkam rami hna le Asean ram hna le UN ram vialte hna le vawlei ram lian hna zawngnih nan kan theihthiam lai timi zumhnak kan ngeih fawn.
- Mipi raldohnak cu thawk a si cang bantuk in Min Aung Hlaing hlennak le namhnehnak tangah rian a ttuanmi ralkap vialte hna, palek vialte hna, cozah rian a ttuan mi vialte hna PDF he a rannak in ifawnh khawh izuam cang uh law PDF ah siseh, NUG sinah siseh a rannak in pehtlainak kan tuah uh law thawng kan thanh cio uh.
- Nihin thawk in SAC ralhrang kutang zungrian ttuantu vialte hna zungkai tilo dingin ralrin kan in pek hna I, kan in khawm cang hna.
- Nihin kan raldohnak ah nunnak a pekmi, inn le lo a sunghmi, nunnak a sunghmi hna cu a zungzal in rampumpi caah nunnak a pemi nu raltha le pa raltha ah cohlan nan si lai. Hi mipi dohnak hi khuate in siseh, khuapi in siseh ram pumpi huap in siseh voikhat ah kan ral cu kan doh ti lai. Mipi lungrualnak, fimthiamnak , mipi hngalthiamnak le lungtawnnak in raldo ding kan si caah kan raldohnak caan hi tuaite lawng si lai. Hram hram in uknak a laktu ralhrang Min Aung Hlaing uknak a si mi, tlaihrem uknak cu a hram in phawih a si lai i, Tlangcungmi vialte in kan rak tumta zungzalmi tlukhruannak tling le zalawnnak tling a simi Federal Democracy ram ah kan ser lai i, Myanmar ram cu vawlcung ram vialte hna hmai ah hmai atlan tthan mi ramdawh serthan a si cang lai. Teinak kan hmuh hrim hrim lai.
