Dr. Hmun Thang ( Lian Lian Pa) a kong hi a herhlo leng tiangin Lai Media cheukhat pawl nih thawngdiklo an zam lengmang ruangah chinmi vawlei khuaza ramkip ah a um mi hna lung an kan buaiter dih lengmang.
August 22 le 23 ah thawngpang diklo lai Media cheukhat nih an chuahpi than hoi mi cu Kawl ralkap nih Dr. Hmun Thang inn an cawngh ti a si hoi, a si nain nizan ah siseh, nihin August 23 ah siseh ralkap nih an cawngh bal fawn lo hlei ah an inn pawngkam hmanh hi ralkap an phan bal lo tiah Dr. Hmun Thang innpa chakthlangah a simi hna nih fiang tein an chim fawn.
Thawngpang dihlo a sinak video ah zoh khawh a si <https://youtu.be/mL7INRBsYbk> .
Atubantuk in Chinmi tampi kan pa bik a si mi, kan damlo lio caanah a kan tlawmp tawn tu, nunnak dihlak in ram le miphun cungah dawtnak a ngeihmi, a bik in kumkhua lei zawngin kum upa tuk a si cangmi cungah dawtnak ngeih loin a tuaitam lengtu hna hi thluachuah hna an hmuh hnga maw tiah khua a ruat kho deuh mi kan pa le tampi aphun a zaimi tampi an um ve.
A ngaingai tiah cun Than Tlang khua hi nizan, a si lo ah nihin, a silo ah thaizing hrim hrim hi laitlang (thantlang khua) chuahtak duh sehlaw a chuaktak kho ding mi a si. A sinain nihin tiang chinram, chinmi , chin Krihfabu he hmunkhat tein khuasak tintuk aathim pengmi hi miphun a dawttuk caah a si.
Tih a nuntukmi thil pakhat cu Dr. Hmun Thang thawngpang diklo a tialtu hna ruangah harnak pingpang thawngsual sehlaw, hi tluk in bohchan awk a thlakmi laimi kan caah lungvar mansung bantuk a si mi kan pa pakhat a simi hi a pam hai tuk lo maw timi hi ruah lo awk a thalo hrimhrim lo mi a si. Cun nihin Dr. Hmun Thang kongah media cheukhat nih a hmanlo tuk mi le a diklo tukmi tuah sernak in an tuaitam mi hna hi zoh tikah laiphung in siseh, Krihfa phung zawngin siseh Ramkhel cawlhcanghnak zawn zohchih in siseh a hmanlo mi tuaitamnak hrim hrim a si timi hmuh khawh a si.
CDF, CNA/A siseh a dangdang politician pawl le chin mipi zawng nih a tu bantuk in Chin Media cheukhat nih thawngdiklo a zam lengmang mi rap chungah kan pil sualnak hngalo fimkur ngai in um kan hau cang timi fiang tein hmuh khawh a si.
