CRPH nih a sermi Upadi thiamsang phu le UN nih kawlram nuhrin covo an buarnak kong hlethlaitu dingin a dirh mi (IIMM), (Independent Investigative Mechanism for Myanmar) hna cu nihin April (7) ah tawnnak an ngei lai tiah BBC burmese nih a langh ter.
Myanmar ralkap Aana lak nak ni February 1, thawk in nihin tiang, Myanmar ralkap le palek pawl nih nuhrin covo buarin an thah mi hna minung (600) leng nunnak a liam cangmi hna kong hi biatak tein an iruah lai tiah theih a si. A tu bantuk in CRPH le IIMM tawnnak an ngeih dingmi kong hi CHRPH nih UN special Envoy caah an thlah mi Dr. Sa Sa nih a mah pumpak social media in fianternak a tuah mi ah hmuh khawh a si.
Dr Sa Sa nih a phuan ning ah cun nuhrin covo buarnak konghe pehtlai in email ka dawngmi (180000), Tingkhat ke thawngsawmriat an si cang i, cu email ka dawn mi chungah cun zeithluk in dah ralkap le palek nih mi an hrem hna timi le zeitluk in dah nuhrin covo an buar timi fiang tein hmuh dih khawh a si tiah a ti.
Dr Sa Sa nih a langhter ningah cun, CRPH kan kut ah a um mi email tehte ning ah cun, Ralkap le palek nih:
- Upadi lo le nincang lo in mithahnak case (540) leng.
- Ramkhel rianttuan tu ralkap le palek nih an tlaih hna hna hnu in nunnak a liam mi case (10).
- Thawngchungah faktuk in an hrem hna nak case
- Lamzawh tu hna cungah a herh lo in hriamnam faktuk le tamtuk an hman mi case
- Upadi ning lo in mi sawh sawh tlainak case.
- Thawngzam pawl, hmanthlak tu, catial tu hna a herh lo in dantatnak case.
- Zalawng tein Internet hmannak nawl, zalawng tein biachim khawhnak nawl, catial khawh nak le zalawng tein hmuh ning langter khawh nak nawl phihkhannak case hna hi an s tiah Dr. Sa Sa nih a langhter chih.
A cunglei sining hi fiang tein hlethlai in ICC biaceihnak zung chuahpi tikah a thahnem lai tiah an zumhnak kong zawng Dr Sa Sa nih a langhter chih fawn.
