US hrambunh vawleicung thawngzam hna lakah minthang bik a simi (CNN) War-Zone reporter nu minthang a si mi Clarissa Ward cu Myanmar ramah ka kal tiah, a mah Clarisa Ward pumpak Twitter le instagram account ah thawngthanhnak a tuah mi hmuh khawh a si.
Clarissa Ward hi fak taktak in ral idohnak hmun a si mi, Afganstan war-zone, Iraq war-zone,Syria War-Zone,Zimen War-Zone le Iran nih Missile-Rocket in iraq ram hrambunh a si mi US greenzone an rak kah lio i Rocket a tlaknak hmun hna tiang kal in report a pek lengmang mi nu ralttha a si.
Atu Myanmar rat aa timh mi zawnghi Myanmar ramkhel kong nih vawlei pumpi a hnihtuk cang caah le Min Aung Hlaing ralhrang ralkap hna nih nuhrin covo buar in mi sawsawh an thah lengmang hna tikah war-zone pakhat bantuk in Myanmar ram cu a si ve cang caah Myanmar ram kong hi vawlei pumpi theihter dingin a ra mi a si lai zumh a si.
Kawlmi sicial media le pumpak page hna ah, hi CNN rporter Clarrissa Ward a rat lio teah hin lamzawh duhlo langhter nak in myanmar ram thil sining kan langter a hau tiah sawmhnak a tuah cio mi zawng hmuh khawh an si.
Myanmar ram a ratnak hi (MAI) vanlawng icit in South Korea ram in a rak thawk tiah theih a si.
