March 28 Hakha ah Bungtuah khuami minung 3 Rungtlang Ralkap nih an tlaih hna, Buanlung khuami minung 3 zong an tlau

Hakha News Update (March 28)Nihin March 28 ah Bungtuah khuami minung 3 Rungtlang Ralkap nih an tlaih Hna, Buanlung khuami minung 3 Hna zong an tlau I zan suimilam 10:40 tiang ah an thawngpang theih khawh an si lo tiah thawng kan theih.

Hi an tlaih mi hna cu “Motor Gate ah Cycle Lak ah an kalpah ah an tlaih hna. An tlaihnak a ruang cu an phone ah CDM tuahnak Hmanthlak tbk an hmuhnak in an tlaih mi Hna a si,” tiah Bungtuah khuami Hakha ummi sin in kan theih.

Nihin March 28 ah Buanlung khuami minung 3 zong an tlau ve tiah Buanlung khuami Hakha ummi sin in thawng kan theih. Tuni an tlaih mi Hna 3 le a tlaumi Hna 3 an zapi minung 6 hi Kim 17, 18 hrawng an si Hna. An 6 in an thawngpang zan suimilam 10:20 tiang ah an theih kho rih Hna lo.