Myanmar kongah Vawleicung upadi thiamsang hna nih (ICC)ah chuahpinak lam an kawl
February ni (1) thawk in, Kawl ralhrang ralkap hna nih, mipi sualnak ngeihlo an thahmi hna nikhat hnu nikhat in an tam chin lengmang caah vawleicung upadi lei minthang a si mi hna nih International Criminal Court (ICC) thithruainak in hlethlainak tuah ningcang an zohfel cuahmah lio a si tiah Reuters nih an langh ter.
Myanmar palek le ralkap nih February (1) in nizan cacawn nilini tiangah an thah cangmi hna 224, a si cang tiah a langher fawn. UN envoy a si mi Dr. Sa Sa le U Kyaw Moe Tun hna zawngnih myanmar ralhrang ralbawi hna (ICC) phan ter ding kan izuam cuahmah lio a si an ti ve.
Geneva, hram bunh pakhat a si ve mi (United Nations human rights experts ) an ti mi UN nuhrin covo lei tuanvo a ngeih tu hna zawng nih Kawl ralkap le palek hna nih nuhrin covo an buar mi le mipi an thahmi hna hi kan cohlang kho lo tiah an langter ve.
A sinain a tu tiangah Myanmar ralkal le palek hna nih a herh lo in mipi cungah harnak kan pek hna lo tiah an hei ti men rih ko. February (1) ralkap nih uknak an lak hnu in myanmar rammi India ram ah a zam mi siseh, Khuapi ah khua a sa mi hna khuate ah a zaam mi si hna seh nikhat hnu nikhat an tam chin lengmang tiah theih a si.
